Нови маркети
На 2-ри август 2008 почна со работа третиот МАКСИ Д дисконт во Охрид - 14-ти во ланецот на Макси Д дисконтите на Скопски пазар А.Д. Ова е најголемиот Макси Д дисконт во Охрид.
Отворањето беше официјално обележано со сечење лента од страна на претседателот на Управниот одбор на Скопски пазар, Сашо Давитковски.
Маркетот се наоѓа на ул. Партизанска бб, кај старата автобуска станица во Охрид, на површина од околу 840м2.
Со отворањето на овој маркет се обезбедија 18 нови вработувања.
Макси Д во Прилеп е нов Макси Д дисконт којшто официјално работи од 16.07.2008 година. Новиот објект се наоѓа на градскиот плоштад Методија Андонов Ченто. Неговата вкупна површина е 750м2, од кои малопродажниот дел е со површина од 590м2.
Отворањето беше свечено обележано со заедничко сечење лента од страна на Сашо Давитковски, претседател на Управниот одбор на Скопски пазар и Марјан Ристески, градоначалник на Прилеп.
Во рамките на маркетот има и месарница со свежо месо, а новина е што во маркетот се нуди и свежо овошје и свеж зеленчук.
На настанот присуствуваа видни претставници од реномирани прилепски компании, јавни установи, а исто така и новинарски екипи од локалните радио и телевизиски куќи.
Инвестицијата на Скопски пазар АД во Прилеп обезбеди 26 нови вработувања.