Здрави навики на исхрана
Хранете се здраво
Што да јадеме? Каде да јадеме? Кога да јадеме? Колку да јадеме? Еве неколку едноставни совети за односот кон исхраната:
Што да јадеме?
Нема магична храна којашто предизвикува губење на телесната тежина, но исто така ниту еден вид храна само од себе не не дебелее. Се препорачува да се јаде разновидна храна во текот на денот, од месо, мешунки, млечни производи, житарки, овошје, зеленчук и мало количество масти. Зеленчукот и овошјето се голем извор на витамини и минерали. Јаглехидратите во овошјето, млекото, житарките и мешунките не снабдуваат на брз начин првите 2 часа додека протеините во млекото, месото и мешунките може да не држат сити 4 часа. Мастите во месото и млекото и оние додадените во храната може да не држат сити 6 часа.
Каде да јадеме?
Треба да го елиминираме јадењето во автомобил, автобус, воз, шетајќи, стоејќи или раговарајќи по телефон. Наместо тоа, би требало да практикуваме да ги консумираме нашите оброци седејќи на маса.
Кога да јадеме?
Правило треба да ни биде секој ден да имаме 3 задолжителни оброци, од кои еден за појадок. Луѓето кои појадуваат, помлаку е веројатно дека навечер ќе посегнат по грицки. Би требало да јадеме на секои 4 до 6 часа во текот на денот, а не да чекаме додека стомакот не ни закркори.
Колку да јадеме?
Калориите се собираат. Поради тоа треба да конзумираме помали порции храна. Пред почетокот на секое јадење треба да ја определиме големината на порцијата којашто сметаме дека е соодветна за нас.
Јадење додека пазаруваме - НЕ!
За да го избегнеме импулсивното купување храна, треба да пазаруваме според планираната листа намирници и после оброк. Затоа, додека пазарувате во MAXI D, имајте го овој совет на ум! Во ресторан, ако не сте сигурни колкави се порциите што ги нарачувате, прашајте! Вишокот од сервираната храна, понесете го дома.
Бележете што, кога и колку јадете?
Добар начин да се воспостави контрола на исхраната е да бележиме што и кога јадеме и пиеме и што не тера на јадење, освен кога сме гладни. Дали јадеме кога сме уморни, кога ни е досадно или кога сме вознемирени?
Секој ден - на вага!
Добра пракса е секојдневно да ја мериме нашата тежина и да го запишуваме тоа. Тоа помага да имаме трага за движењето на нашата телесна тежина, па при значително варирање на тежината можеме да преземеме акција за порегулирана исхрана и/или вежбање.
Придадете важност додека јадете и забавете малку!
Треба да избегнуваме други активности додека јадеме. Активности како гледање ТВ или читање го одвлекуваат нашето внимание од тоа колку ќе изедеме и колку сме сити. Кога јадеме - треба само тоа да го правиме. Храната треба да се жвака побавно. Потребни се 20-тина минути или повеќе за да стигне пораката од нашиот стомак до нашиот мозок за тоа дека сме сити.
Вода!
Препорачливо е пиењето доволно вода. Луѓето кои пијат доволно вода, полесно губат килограми.
Физичката активност - се подразбира
Во дневниот распоред на нашите активности би требало да вметнеме кога би можеле да пешачиме, возиме велосипед или да трчаме. Целта треба да ни биде 30-60 минути секој ден, односно 10000 чекори.
